Sagacious Himself — brevity in circumlocution: never blague — suffering genius

December 6, 2007

multi ergo audientes ex discipulis eius dixerunt durus est hic sermo quis potest eum audire

Filed under: CIO — Sagacious Himself @ 3:40 am

operamini non cibum qui perit sed qui permanet in vitam aeternam quem Filius hominis vobis dabit hunc enim Pater signavit Deus
dixerunt ergo ad eum quid faciemus ut operemur opera Dei
respondit Iesus et dixit eis hoc est opus Dei ut credatis in eum quem misit ille
dixerunt ergo ei quod ergo tu facis signum ut videamus et credamus tibi quid operaris
patres nostri manna manducaverunt in deserto sicut scriptum est panem de caelo dedit eis manducare
dixit ergo eis Iesus amen amen dico vobis non Moses dedit vobis panem de caelo sed Pater meus dat vobis panem de caelo verum
panis enim Dei est qui descendit de caelo et dat vitam mundo
dixerunt ergo ad eum Domine semper da nobis panem hunc
dixit autem eis Iesus ego sum panis vitae qui veniet ad me non esuriet et qui credit in me non sitiet umquam
sed dixi vobis quia et vidistis me et non creditis
omne quod dat mihi Pater ad me veniet et eum qui venit ad me non eiciam foras
quia descendi de caelo non ut faciam voluntatem meam sed voluntatem eius qui misit me
haec est autem voluntas eius qui misit me Patris ut omne quod dedit mihi non perdam ex eo sed resuscitem illum novissimo die
haec est enim voluntas Patris mei qui misit me ut omnis qui videt Filium et credit in eum habeat vitam aeternam et resuscitabo ego eum in novissimo die
murmurabant ergo Iudaei de illo quia dixisset ego sum panis qui de caelo descendi
et dicebant nonne hic est Iesus filius Ioseph cuius nos novimus patrem et matrem quomodo ergo dicit hic quia de caelo descendi
respondit ergo Iesus et dixit eis nolite murmurare in invicem
nemo potest venire ad me nisi Pater qui misit me traxerit eum et ego resuscitabo eum novissimo die
est scriptum in prophetis et erunt omnes docibiles Dei omnis qui audivit a Patre et didicit venit ad me
non quia Patrem vidit quisquam nisi is qui est a Deo hic vidit Patrem
amen amen dico vobis qui credit in me habet vitam aeternam
ego sum panis vitae
patres vestri manducaverunt in deserto manna et mortui sunt
hic est panis de caelo descendens ut si quis ex ipso manducaverit non moriatur
ego sum panis vivus qui de caelo descendi
si quis manducaverit ex hoc pane vivet in aeternum et panis quem ego dabo caro mea est pro mundi vita
litigabant ergo Iudaei ad invicem dicentes quomodo potest hic nobis carnem suam dare ad manducandum
dixit ergo eis Iesus amen amen dico vobis nisi manducaveritis carnem Filii hominis et biberitis eius sanguinem non habetis vitam in vobis
qui manducat meam carnem et bibit meum sanguinem habet vitam aeternam et ego resuscitabo eum in novissimo die
caro enim mea vere est cibus et sanguis meus vere est potus
qui manducat meam carnem et bibit meum sanguinem in me manet et ego in illo
sicut misit me vivens Pater et ego vivo propter Patrem et qui manducat me et ipse vivet propter me
hic est panis qui de caelo descendit non sicut manducaverunt patres vestri manna et mortui sunt qui manducat hunc panem vivet in aeternum
haec dixit in synagoga docens in Capharnaum
multi ergo audientes ex discipulis eius dixerunt durus est hic sermo quis potest eum audire
sciens autem Iesus apud semet ipsum quia murmurarent de hoc discipuli eius dixit eis hoc vos scandalizat
si ergo videritis Filium hominis ascendentem ubi erat prius
spiritus est qui vivificat caro non prodest quicquam verba quae ego locutus sum vobis spiritus et vita sunt
sed sunt quidam ex vobis qui non credunt sciebat enim ab initio Iesus qui essent credentes et quis traditurus esset eum
et dicebat propterea dixi vobis quia nemo potest venire ad me nisi fuerit ei datum a Patre meo
ex hoc multi discipulorum eius abierunt retro et iam non cum illo ambulabant
dixit ergo Iesus ad duodecim numquid et vos vultis abire
respondit ergo ei Simon Petrus Domine ad quem ibimus verba vitae aeternae habes

Advertisements

Leave a Comment »

No comments yet.

RSS feed for comments on this post. TrackBack URI

Leave a civil reply. We strongly recommend you always adblock the interweb. You have no right to be published here. Abuse will be redacted or transmogrified. Please refer to CONTACT page for terms, details, or special considerations such as private comments: himself.wordpress.com/contact/

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Blog at WordPress.com.

%d bloggers like this: